“Do të ishte mëkat të mos e provonim, do jemi atje. Do të luftojmë. Unë i kultivoj ëndrrat. Drogbai? S’e kemi kërkuar, por normalisht do të na pëlqente…” Janë këto vetëm disa nga deklaratat e trajnerit të Juventusit Antonio Konte në një intervistë të dhënë për “Tuttosport”.
“Juventusi është më i fortë se sezonin e kaluar, por kundër Selltikut duhet të luajmë njësoj sikur përballë të kemi Barcelonën apo Realin. Mendjemadhësia do të na dëmtonte”, shton Konte, i cili nënvizon se kërkon që një ditë të bëhet si Pep Guardiola dhe Hose Mourinjo.
“Guardiola dhe Mourinjo janë në piedestal dhe unë po punoj të arrij nivelin e tyre. Futbollin e studioj nga pikëpamja teknike, taktike, psikologjike dhe fizike. Nëse jam në shtëpi, zgjedh të lexoj një libër që do të më ndihmojë në profesionin tim”, deklaroi Konte.