Një autokolonë e pazakontë është kjo që shihni në foto. Në orët e vona të së mërkurës, në Nikosia (Qipro) kanë mbërritur katër kontejnerë me 5 miliardë euro nga Eruopa, në mënyrë që të garantohet likuiditeti për bankat e vendit. Kontejnerët janë transferuar nga aeroporti i Larnakës në Bankën Qendrore të vendit, me një eskortë të gjatë 200 metër me automjete të blinduara. Siguria ruhej nga motoçiklistë të policisë, agjentë të armatosur dhe mbikëqyrje nga helikopterët. Rihapja e bankave pas dy javësh ka shkaktuar radhë të gjata në filialet e tyre, që ruhen nga policë të armatosur. Ndërkohë, në vend vijojnë ende protestat.
