Këngëtarit të pirë i bllokohen patenta dhe makina, reagimi i ashpër

Ditën e djeshme këngëtari i njohur Endri Prifti publikoi një video në rrjetin social Facebook, ku sipas tij kishte përjetuar tmerrin nga Policia e Shtetit.

Kjo e fundit i ka bërë një kontroll këngëtarit për konsumin e alkoolit.

Pas testit, efektivët i konfiskuan këngëtarit makinën dhe patentën, pasi sipas tyre konsumi i alkoolit prej tij ishte tej të gjitha normave të lejuara.

Këngëtari korçar shprehet i revoltuar për këtë veprim të policisë, pasi sipas tij është i padrejtë.

Ditën e djeshme të dhëna të tjera dolën në dritë në lidhje me ngjarjen e pakëndshme.

E vërteta duket ndryshe nga ajo që ka paraqitur në rrjetin social Facebook këngëtari Endri Prifti.

Sipas portalit JOQ  këngëtari ka në sistem 7 gjoba që i janë vendosur nga Policia e Shtetit me vlerën 10.000 lekë të reja.

Kurse kolaudimi i makinës së tij ka skaduar që në 4 gusht të vitit 2017.

Prifti shkruan se Policia e Shtetit i ka hequr gjithë lumturinë pas një koncerti që i kishte shkuar shumë mirë.

Reagimet nuk kanë munguar.

Pedagogu Ilir Metaj shkruan se faji nuk është i këngëtarit, por i popullit tallava, i cili e ka bërë një ordiner si ai që t’i duket vetja si Elvis Presley.

Fjalët e reaguesit janë vërtet të ashpra, por sipas tij Policia e Shtetit ka bërë pak edhe kaq.

Postimi i Metajt:

Ky korcarka me profesion pijanec qe ka hobi kengen, Endri Prifti, na qenkerkesh prekur se policia i hoqi patenten sepse ishte i pire. Dhe nuk ul koken te kerkoje falje, por publikon video duke ofenduar policet qe “bene sikur nuk e njohen”.

Madje thote se eshte normale te pije, se ne koncert pine te gjithe. Madje, madje tregon se here te tjera u ka dhene ryshfet kur e ndalojne te dehur ne timon, por kete rradhe ishin shume.

Nuk ke faj ti bre lalke jo! Faji eshte i popullit tallava, qe ben nje ordiner si ty, t’i duket vetja Elvis Presley. Faji eshte i edhe i atyre policeve qe marrin rryshfetin nga nje pijanec si ty duke rrezikuar t’u marresh jeten njerezve te tjere ne aksident.

Por faji me i madh, eshte i policeve qe vetem te ndaluan dhe nuk t’i numeruan dhembet ne dore!”

o.j. /dita