Tre persona mbetën të plagosur në aksin Korçë-Bilisht dhe afër Universitetit, si pasojë e dy aksidenteve. Andrea Sholla, 40 vjeç, u arrestua në spital, pasi në kryqëzimin e Zëmblakut, duke drejtuar mjetin “Volvo”, me targë KO8667B, ka dalë nga rruga dhe u dëmtua vetë dhe pasagjeri P. B., 53 vjeç, i cili u dërgua për mjekim në Tiranë, në gjendje të rëndë. Po kështu Ergus Dinkellari, 26 vjeç, u arrestua pasi përplasi me makinën “Benz” me targa AA900EF një këmbësor ende të paidentifikuar, që ndodhet në gjendje koma në spital.