Një 32-vjeçar u mor nën akuzë për kallëzim të rremë nga policia vendore, pasi ka denoncuar plagosjen me armë zjarri në këmbë, por më tej nuk rezultoi ngjarje e vërtetë, ku nuk u gjetën as prova dhe gjurmë. Në pranga ra Mihal Toshi, banues në Korçë. Në mesnatë ka shkuar në spital për mjekimin e gishtit të madh të këmbës, ku ka thënë se në lagjen nr. 11, kur hipte në makina dëgjoi dy krisma dhe ndjeu një shpim në këmbë, kurse plumbin e kishte hequr vetë duke e flakur. Nga këqyrja e vendngjarjes nuk u gjetën gjurmë.