Një i akuzuar për përdhunimin e një 13-vjeçareje, ka përfituar ulje të gjysmës së dënimit nga Gjykata e Apelit, pasi i ka ndryshuar akuza. Bëhet fjalë për Nikolin Samarën, i cili asnjëherë nuk e kishte pranuar akuzën e ngritur, duke u shprehur se me të ka pasur lidhje dashurie dhe se e kishte gënjyer për moshën. Gjykata e Apelit në Korçë, duke marrë parasysh pretendimet e Samarës, ka vendosur 4,5 vjet burg për të, nga 10 vjet heqje lirie që kishte dhënë Shkalla e Parë, duke e klasifikuar vetëm si marrëdhënie seksuale me të mitur.