Një 37-vjeçar i kërkuar për grabitje me armë u arrestua ditën e djeshme nga policia. Ajdhon Shtuka, u kap në pikën kufitare të Kapshticës pasi figuronte në listën e personave të shpallur në kërkim. Burime nga policia thanë se Shtuka ishte dënuar me 12 vite burgim nga Gjykata e Sarandës për veprën penale të “Vjedhjes me armë”. Në momentin e arrestimit i kërkuari nuk ka bërë rezistencë. Ai iu dorëzua Drejtorisë së Përgjithshme të Burgjeve për tu dërguar në qeli ku do të vuajë dhe dënimin e dhënë.