Protesta e familjeve, të cilat nuk mundën të përfitojnë nga skema e banesave sociale me kosto të ulët e Bashkisë së Korçës, ka sjellë edhe reagimin e degës lokale të PD-së, e cila në një deklaratë për mediat e ka quajtur skandal shpërndarjen e banesave sociale me qira. “Bashkia ka shpërndarë banesat sociale jo për individët në nevojë, por për njerëzit e afërt të kryebashkiakut”, deklaroi PD, duke hedhur akuzën se banesat janë shpërndarë me orientim të selisë rozë, duke braktisur të pastrehët. Kurse Bashkia reagoi duke thënë se këshilltarët e djathtë e kanë votuar listën e përfituesve.