Një 24 vjeçar është arrestuar nga policia e Korçës ditën e djeshme, pasi akuzohet për përdhunimin e një vajze 20-vjeçare.
Sipas burimeve policore në pranga është vënë David P., 24 vjeç , ndërsa e reja është dërguar në spital ku i është nënshtruar një kontrolli mjekësor.
Ka qenë pikërisht vetë e dhunuara ajo e cila ka bërë kallëzim pranë komisariatit të Policisë së Korçës dhe ka akuzuar të riun për përdhunim.
Ajo ka deklaruar se i riu ka hyrë me forcë në banesën e saj, dhe ka kryer me të marrëdhënie seksuale me dhunë.
Policia e Korçës ka referuar materialet për veprën penale “ Marrëdhënie seksuale me dhunë me të rritura” , në Prokurorinë e Rrethit Gjyqësor Korçë.
***
*Foto kryesore është ilustrim