Një aksident me pasojë plagosjen e rëndë të një vajze të mitur ndodhi pasditen e djeshme. Ngjarja u shënua rreth orës 15:00, në aksin rrugor Korçë-Devoll, në kryqëzimin e fshatit Plasë, kur një automjet “Benz”, me ngjyrë gri (targa ende të paidentifikuara), ka aksidentuar të miturën M. A., rreth 10 vjeçe, banuese në fshatin Kuç i Zi, e cila ndodhet për mjekim në spitalin rajonal Korçë, në gjendje të rëndë shëndetësore. Mjeti është larguar nga vendi i ngjarjes dhe po punohet për zbardhjen dhe kapjen e drejtuesit.