Dy gra këmbësore kanë humbur jetën mbrëmjen e djeshme në periferi të Korçës, pasi janë përplasur nga një automjet në shpejtësi, drejtuesi i të cilit nuk ka ndaluar për t’i dhënë ndihmën e parë por u arratis nga vendngjarja. Burime nga policia vendore bënë të ditur se ngjarja ka ndodhur në periferi të qytetit, lagja nr. 10, kur dy gratë ishin duke ecur në anë të rrugës. Mjeti “Benz”, me targa AA084GM, është parë të largohej me shpejtësi, kurse policia ndaloi 18-vjeçarin Marjo Pajo. Dy të plagosur u shënuan mbrëmë edhe në Fushë-Krujë.