Një efektiv i policisë së Korçës është vetëvrarë mëngjesin e sotëm. Dornjel Milo, 30 vjeç, efektiv i trafiqeve në Drejtorinë e Policisë Korçës është vetëvrarë me armën e shërbimit.
Ngjarja ka ndodhur në makinën e Milos, ku ndodhej bashkë me disa miq të tij. Mësohet se grupi i miqve kishin festuar deri vonë në një nga lokalet e qytetit.
Policia ka nisur menjëherë hetimet për zbardhjen e ngjarjes së rëndë. Paraprakisht, mendohet që ngjarja të ketë ndodhur për shkak pakujdesisë pas konsumimit të alkoolit.