Koreja e Jugut është një nga vendet e pakta të zhvilluara që kriminalizon abortin.
Sipas ndalimit që daton prej vitit 1953, gratë që abortojnë gjobiten deri në burgosje, me përjashtim të rasteve të përdhunimit, inçestit apo rrezikut për jetën e tyre. Edhe doktorët që asistojnë në procedura aborti rrezikojnë të përballen me burgim.
Në vendimin historik të gjykatës më të lartë të vendit thuhej se ndalimi ishte jokushtetues dhe se kufizot të drejtën e gruas për të vendosur për veten e saj.
Ligji është rishikuar më herët, pas një sfide ligjore nga një mjeke femër, e cila ishte ndjekur penalisht se kishte kryer rreth 70 aborte. Ajo pretendonte se aborti vinte në rrezik femrat, madje kufizonte edhe të drejtat e tyre.
Shtysa kryesore për ndryshim vjen nga një lëvizje që lufton për të drejtat e grave në Korenë e Jugut. Sipas tyre, ndalimi i aborteve është pjesë e një paragjykimi të gjerë kundër femrave në vendin aziatik.
Kushtetuesja e vendit aziatik vendosi që ligji të rishikohet deri në fund të vitit 2020.
j.l./ dita