Kërkesa e shefit të Zyrës së Kosovës në Serbi, Marko Gjuriç, për hyrje në Kosovë të dielën, në ditën e zgjedhjeve për kryetarët e komunave veriore, është refuzuar nga autoritetet e Kosovës.
Lajmin e ka bërë të ditur për Radion Evropa e Lirë, këshilltari politik i ministrit të Punëve të Jashtme në Qeverinë e Kosovës, Jetlir Zyberaj.
“Kërkesa e tij është refuzuar për shkak se nuk është në përputhje me marrëveshjen e Bruskelit, ku kërkesat duhet të adresohen vetëm gjatë ditëve të punës dhe jo në fundjavë”, tha Zyberaj për Radion Evropa e Lirë.
Ai shtoi se MPJ është në koordinim me autoritetet e sigurisë në Kosovë për të parandaluar çdo shkelje të mundshme apo tentim-hyrje ilegale në Kosovë.
Shefi i Zyrës së Kosovës në Serbi, Marko Gjuriç, kishte thënë për mediat në Serbi se do të jetë prezent në ditën e zgjedhjeve në komunat veriore të Kosovës, përkundër refuzimeve të njëpasnjëshme nga autoritetet e Kosovës për vizitë.
Gjuriç u arrestua në mars të vitit të kaluar nga Policia e Kosovës pasi nuk përfilli ndalesën e lëshuar nga Qeveria e Kosovës dhe u fut në Mitrovicë.
o.j/dita
Kufirin Tek thana ketyre, duhet te paguajne per krimet e bera.