Kosova sulmon punën e Bashës në Bashki

Në takimin e sotëm të Halim Kosovës me shtresat në nevojë, nuk ka duruar kur ka deklaruar se për këtë shtresë është premtuar shumë, por s’është bërë asgjë, madje ka premtuar aksesueshmërinë e personave me aftësi të kufizuar në Bashki.

“Dera e bashkisë do të jetë e hapur. Kur them dera e bashkisë do të jetë e hapur, puna e parë që më shkon mendja them: Po si do futen në bashki? Sepse nuk kam parë për momentin ndonjë rrugë të përshtatshme që t’u përkojë aftësive fizike për të hyrë në bashki. Edhe për këtë do të shikoni një zgjidhje origjinale që do të bëjë shumë shpejt me të marrë bashkinë në dorë”, u shpreh Kosova.

Basha premtoi të njëjtën gjë në 2011, por nuk bëri asgjë për të bërë të aksesueshme Bashkinë e Tiranës edhe nga personat me aftësi të kufizuar. Madje Kosova shkoi më tej kur tha: “Duhet më shumë me ju dëgjuar, sepse jo vetëm në katër vitet e fundit është bërë shumë dhe nuk është bërë aq sa duhet për ju. Ju jeni dëshmitarë, që në shumë fushata ju takojnë, ju mbledhin rreth e përqark, ju bëjnë premtime dhe ju ikni të gëzuar. Por, në shumicën e rasteve, siç unë jam në dijeni, premtimet ngelën në letër”. E në fakt, premtimet e Bashës para 4 viteve mbetën të gjitha në letër.