Kosovë, 50 minatorë bllokohen në Trepçë

Ashensori që mbante minatorët e Trepçës është prishur në thellësi prej 650 deri në 700 metra thellësi në galeritë e kësaj miniere, duke lënë të bllokuar aty 50 minatorë.

Megjithatë, zëdhënësi i Trepçës, Bislim Muçaj, deklaron se nuk ka vend për shqetësim, pasi të gjithë minatorët janë shëndoshë e mirë.

Minatorët janë të bllokuar aty për afër tetë orë. Muçaj tregon se ekipet e Trepçës janë duke punuar dhe presin që shpejt të rregullohet edhe ashensori.

Në rast të kundërt, do të shfrytëzohet edhe dalja emergjente por që do të kërkonte më shumë kohë.