Komisioni Qendror i Zgjedhjeve, do të zhvillojë të enjten mbledhjen ku do te diskutohen dy projekt- vendime të rëndësishmë, auditimi i financimit të partive politike dhe masat administrative për partitë që nuk kanë depozituar raportin.
Në njoftimin për mediat nga KQZ pasditen e së mërkurës bëhet e ditur se do te diskutohen, “Projekt vendimi: “Shqyrtimi i raporteve të auditimit për financimin e fushatës zgjedhore për zgjedhjet vendore 2015, raportet e auditimit për financimin e partive politike për vitin kalendarik 2014, dhe vendosjen e sanksioneve administrative, si dhe Projekt vendimi: “Për vendosjen e sanksioneve administrative për partitë politike të cilat nuk kanë depozituar raportet financiare vjetore për vitin 2015, brenda datës 31 Mars të po këtij viti”.