Për të mos rrezikuar ndjekjen e garës për pranimet në universitetet publike gjatë vitit të ri akademik, maturantët duhet të jenë të kujdesshëm që në plotësimin e formularit A1 dy lëndët e përzgjedhura të mos vlerësohen me më pak se 8 kredite
Me shpalljen e koeficientëve nis zyrtarisht plotësimi i formularëve A1 dhe A1Z për të gjithë maturantët dhe kandidatët e tjerë që duan të vijojnë studimet e larta në universitetet publike gjatë vitit të ri akademik 2013-2014. Ministria e Arsimit tashmë ka miratuar listën e plotë të lëndëve me zgjedhje përbri të cilave janë detajuar edhe kreditet me të cilat vlerësohen.
Plotësimi korrekt i formularit A1 dhe A1Z, është hapi bazë që maturantët duhet të përmbushin për të mos rrezikuar ndjekjen e studimeve të larta në sistemin publik apo privat. Plotësimi i formularit finalizohet me përzgjedhjen e dy lëndëve që do të jepen si provime me zgjedhje, të cilat së bashku në total duhet të vlerësohen me 8 kredite.
Nëse lëndët e përzgjedhura nga maturanti në këtë formular së bashku vlerësohen me më pak se tetë kredite, atëherë maturanti rrezikon ndjekjen e studimeve të larta nëse nuk bën riplotësim të formularit brenda afateve të caktuara. Kandidatët që e kanë mbaruar shkollën e mesme para vitit 2013 e që kanë dhënë më parë provime të maturës, do t’u përmbahen rregullave të tjera për të rihyrë në garën e pranimeve për shkollat e larta publike gjatë vitit të ardhshëm akademik.
Kjo kategori, si dhe maturantët që kanë mbaruar shkollën e mesme jashtë vendit, duhet të plotësojnë detyrimisht formularin A1Z për të rihyrë në garë. Formulari konsiderohet i vlefshëm vetëm nëse është plotësuar në mënyrë të saktë dhe të kuptueshme.
Kështu maturantët e vjetër nuk do të lejohen të rijapin provimet me zgjedhje të detyruar nëse kanë rezultuar kalues në maturat e viteve të mëparshme, me përjashtim të rastit kur rezultatet e tyre janë nën 4.50. Në rast se ky kandidat e ka dhënë më shumë se një herë një lëndë në provimet me zgjedhje, i njihet vetëm rezultati i fundit.
Në përllogaritjen e pikëve për sistemin meritë-preferencë për këto lëndë merren koeficientët e vitit shkollor 2012-2013. Pranimet në universitetet publike dhe private gjatë vitit të ri akademik do të shoqërohen me kritere më të rrepta. Në këto kushte, maturantëve do t’u duhet të përpiqen më fort që të marrin nota kaluese në të katër provimet e detyruara të maturës për të mos rrezikuar të drejtën për ndjekjen e studimeve të larta gjatë vitit që vjen.
Bashkangjitur shkrimit do të gjeni të detajuar listën e 59 lëndëve me zgjedhje, si dhe kreditet me të cilat vlerësohet në këtë garë secila prej tyre. Njëkohësisht janë të përcaktuara edhe indekset me të cilat identifikohet në formular secila nga llojet e shkollave të mesme në vend.
6 rregullat që nuk duhen neglizhuar gjatë plotësimit të Formularit A1
Numri i lëndëve që do të zgjidhen duhet të jetë detyrimisht 2.
Shuma e krediteve të dy lëndëve që zgjidhen, duhet të jetë jo më e vogël se 8.
Kur zgjidhet një lëndë bërthamë, nuk mund të zgjidhet e njëjta lëndë e thelluar (përjashtuar lëndët e detyruara).
Çdo maturant mund të zgjedhë një ose dy gjuhë të huaja të ndryshme, me kusht që njëra do të trajtohet si gjuhë e huaj e parë dhe tjetra si gjuhë e huaj e dytë, pavarësisht nëse ka bërë ose jo në shkollë.
Maturantët e shkollave artistike mund të zgjedhin vetëm njërën nga lëndët e grupit II: “Vetëm për shkollat artistike”.
Maturantët e shkollave profesionale mund të zgjedhin vetëm njërën nga lëndët e grupit II: “Vetëm për shkollat profesionale”. Teoria profesionale është e zbërthyer në profile sipas indeksit të shkollave dhe maturanti mund të zgjedhë vetëm një prej tyre.
LISTA E INDEKSEVE TE PROFILEVE/DEGEVE, MSH-2013
Nr Profili/dega e shkollës së mesme
01 GJIMNAZ
02 GJIMNAZ ME KOHË TË SHKURTUAR
03 SEKSION DYGJUHËSH SHQIP-FRENGJISHT
04 SEKSION DYGJUHËSH SHQIP-ITALISHT
05 SEKSION DYGJUHËSH SHQIP-GJERMANISHT
06 GJIMNAZ GJUHËSOR
07 SHKOLLË ARTISTIKE/KOREOGRAFIKE
08 SHKOLLË SPORTIVE
09 SHKOLLË PEDAGOGJIKE
10 HOTELERI-TURIZËM
11 SHËRBIME MJETESH TRANSPORTI
12 MEKANIKË
13 ELEKTROTEKNIKË
14 ELEKTRONIKË
15 PËRPUNIM DRURI
16 NDËRTIM
17 TEKSTIL-KONFEKSIONE
18 TEKNOLOGJI USHQIMORE
19 BUJQËSI
20 SHËRBIME SOCIALE DHE SHËNDETSORE
21 VETERINARI
22 GJEODEZI
23 INSTALUES I SISTEMEVE TERMOHIDRAULIKE
24 LLOGARI
25 SHËRBIME BANKARE
26 ADMINSITRIM BIZNESI
27 RRJETE TË DHËNASH
28 MBËSHTETJE E PËRDORUESVE TË TIK
29 ELEKTRONIK NË TEKNOLOGJINË E AUTOMATIZIMIT
30 SILVIKULTURË
31 HARRY FULTZ, BIZNES
32 HARRY FULTZ, ELEKTRONIKË
33 HARRY FULTZ, AUTOMEKANIK
34 PETER MAHRINGER TEKNOLOGJI INFORMACIONI
35 PROFILI IM S’ËSHTË NË LISTË
LISTA E LENDEVE ME ZGJEDHJE FORMULARI A1 2013
Nr. LËNDËT ME ZGJEDHJE, MSH 2013 KREDITE
I. PËR TË GJITHA SHKOLLAT
1 ANGLISHT (GJ E HUAJ E PARË) 10
2 ANGLISHT (GJ E HUAJ E DYTË) 6
3 FRENGJISHT (GJ E HUAJ E PARË) 10
4 FRENGJISHT (GJ E HUAJ E DYTË) 6
5 ITALISHT (GJ E HUAJ E PARË) 10
6 ITALISHT (GJ E HUAJ E DYTË) 6
7 GJERMANISHT (GJ E HUAJ E PARË) 10
8 GJERMANISHT (GJ E HUAJ E DYTË) 6
9 GREQISHT(GJ E HUAJ E DYTË) 6
10 SPANJISHT (GJ E HUAJ E DYTË) 6
11 TURQISHT(GJ E HUAJ E DYTË) 6
12 LETËRSI E THELLUAR 5
13 MATEMATIKË E THELLUAR 5
14 KIMI BËRTHAMË 4
15 KIMI E THELLUAR 6
16 FIZIKË BËRTHAMË 4
17 FIZIKË E THELLUAR 6
18 BIOLOGJI BËRTHAMË 6
19 BIOLOGJI E THELLUAR 4
20 HISTORI BËRTHAMË 5
21 HISTORI E THELLUAR 9
22 GJEOGRAFI BËRTHAMË 5
23 GJEOGRAFI E THELLUAR 7
24 EKONOMI BËRTHAMË 2
25 EKONOMI E THELLUAR 4
26 TEKNOLOGJI BËRTHAMË 2
27 TEKNOLOGJI E THELLUAR 4
28 QYTETARI 3
29 PSIKOLOGJI 2
30 FILOZOFI 2
31 SOCIOLOGJI 2
II. VETËM PËR SHKOLLAT ARTISTIKE
32 HISTORI MUZIKE 6
33 HISTORI ARTI 6
34 HISTORI BALETI 3
III. VETËM PËR SHKOLLAT PROFESIONALE
35 HOTELERI-TURIZËM 8
36 SHËRBIME MJETESH TRANSPORTI 8
37 MEKANIKË 8
38 ELEKTROTEKNIKË 8
39 ELEKTRONIKË 8
40 PËRPUNIM DRURI 8
41 NDËRTIM 8
42 TEKSTIL-KONFEKSIONE 8
43 TEKNOLOGJI USHQIMORE 8
44 BUJQËSI 8
45 SHËRBIME SOCIALE DHE SHËNDETSORE 8
46 VETERINARI 8
47 GJEODEZI 8
48 INSTALUES I SISTEMEVE TERMOHIDRAULIKE 8
49 LLOGARI 8
50 SHËRBIME BANKARE 8
51 ADMINSITRIM BIZNESI 8
52 RRJETE TË DHËNASH 8
53 MBËSHTETJE E PËRDORUESVE TË TIK 8
54 ELEKTRONIK NË TEKNOLOGJINË E AUTOMATIZIMIT 8
55 SILVIKULTURË 8
56 HARRY FULTZ, BIZNES 8
57 HARRY FULTZ, ELEKTRONIKË 8
58 HARRY FULTZ, AUTOMEKANIK 8
59 PETER MAHRINGER TEKNOLOGJI INFORMACIONI 8