Kremlini i ka kërkuar ndjesë sot gazetës gjermane, “Suddeutsche Zeitung” mbi çështjen e “Panama Papers” pasi presidenti rus Vladimir Putin deklaroi se ata i përkisnin bankës amerikane “Goldman Sachs”, që sipas tij tregon një implikim të Uashingtonit.
“Sigurisht që ne i kemi shprehur dhe i shprehim ndjesën tonë gazetës”, deklaroi zëdhënësi i Kremlinit, Dmitri Peskov, duke pranuar një gabim dhe informacione të paverifikuara.
Gjatë seancës së tij vjetore pyetje-përgjigje me rusët në televizion, të enjten, presidenti Putin kishte pranuar që informacionet e nxjerra nga dokumentet e zyrës juridike panameze ”Mossack Fonseca”, që preknin të afërmit e tij ishin të vërteta, por garantoi nga ana tjetër se nuk nxirnin asgjë ilegale.