Ndikimi rus në zgjedhje dhe rritja e supozuar e influencës ruse në Shtetet e Bashkuara përmes presidentit Donald Trump ka përfunduar në faqen e parë të revistës “Time”.
Revista prestigjoze amerikane, pas lajmeve që kanë thelluar dyshimet për lidhjet e Trump me Moskën, ka publikuar në kopertinën e saj një ilustrim të veçantë, larg karikaturave që i bëhen rëndom Trumpit.
Në kopertinë, selia presidenciale e Shtëpisë së Bardhë shfaqet e shkrirë me Kremlinin, ndërsa ky i fundit vazhdon ta përpijë me tentakulat e tij.
