Kriza godet edhe cirkun më të njohur në botë. Cirku i Diellit ka bërë të ditur shkurtimin e 400 vendeve pune, nga 5 mijë punonjës që ka gjithsej. Pushimi nga puna i 400 punonjësve vjen si pasojë e masave që ka marrë kompania pas zhvlerësimit të dollarit kanadez, një ndryshim që ka sjellë uljen e fitimeve, pavarësisht rritjes së të ardhurave në më shumë se 1 miliardë dollarë gjatë vitit të kaluar. Cirku i Diellit është cirku më i ndjekur në të gjithë botën. Vetëm gjatë vitit 2012, për shfaqjet e tij janë shitur 14 milionë bileta. Ky cirk u themelua në Kanada në vitin 1984, por në një kohë të shkurtër u kthye në një trupë gjigante që jep shfaqje ndërkombëtare.