Një grabitje me armë dhe maska ka ndodhur orët e vona të mbrëmjes së mërkurë në Tapizë të Krujës. F. B., 62 vjeç, denoncoi se persona të paidentifikuar, nën kërcënimin e armëve janë futur në banesë dhe kanë marrë shumën prej 1,7 milionë lekësh, si dhe një sasi bizhuterish e më pas janë larguar. Nga ndjekja në kohë me veprime intensive hetimore nga shërbimet e policisë u arrit të bëhet identifikimi i një prej autorëve të dyshuar të kësaj ngjarje, për të cilin u bë shpallja në kërkim dhe po vijon puna për kapjen.