Krimi në familje godet sërish. Dy persona kanë mbetur të plagosur gjatë një konflikti brenda familjes sot në Krujë. Ngjarja ndodhi në fshatin Kovaçe, ku një 32-vjeçar ka plagosur me thikë vëllain dhe babain e tij, pas një konflikti për motive banale.
Policia e Krujës ka arrestuar agresorin Mirgen Emini, ndërsa dy të plagosurit janë jashtë rrezikut për jetën. Mësohet se konflikti ka nisur pasi babai i ka kërkuar të birit të shkonte në punë, por 32-vjeçari ka kundërshtuar. Në debat është përfshirë edhe djali më i vogël, 24 vjeç, i cili është goditur me thikë në kokë nga vëllai i tij i madh, ndërsa babai i djemve ka marrë plagë në duar.