“Shqiptarët e kanë marrë tashmë vendimin e tyre dhe nuk ka kthim pas“. Kështu u shpreh kryetarja e LSI-së Monika Kryemadhi në një dalje për median.

Ajo falënderojë të gjithë qytetarët që iu përgjigjën thirrjes së opozitës për protestën. Ndërkohë Kryemadhi shtoi se loja ka filluar të luhet fort.

Kjo e fundit u shpreh e vendosur për të qeverisur zemërimin dhe indinjatën e qytetarëve shqiptarë për të përmbushur një akt patriotik që është integrimi në Bashkimin Evropian.

“Sot qytetarët u përballën pa bërë asnjë hap pas, përballë pushtetit të grabitur, kriminal dhe të pamoralshëm të Edi Ramës. Populli tashmë e ka marrë vendimin e tij. Rruga tashmë është nisur për të shpëtuar demokracinë dhe lirinë e njerëzve. Ky është vendimi që qytetarët kanë marrë, opozita do ta udhëheqë atë në çdo orë dhe çdo ditë.Tashmë rruga jonë nuk ka më kthim pas, do të qeverisim zemërimin dhe indinjatën e qytetarëve shqiptarë për të përmbushur një akt patriotik që është integrimi në Bashkimin Evropian. Qytetarët do të largojnë pengesën e vetme që kanë për ëndrrën evropiane, që mban emrin Edi Rama. Rruga e vetme që ka Shqipëria është integrimi në BE.Sot ai mori një shuplakë, loja tashmë do të hyjë prej vërteti, ka filluar të luhet fort”.

b.b/dita