SHËNIM: Të shpresojmë se ka mbetur diçka njerëzore te Berisha

Çifti Rama & Basha (Edi & Linda), do bëhen së shpejti me një fëmijë. Kur dëgjon një lajm të tillë, të vijnë në mendje disa gjëra, por mbi të gjitha fakti që ashpërsia e gjuhës politike, i ka demonizuar aq shumë protagonistët tanë, sa ua ka hequr atë njerëzoren, krejt të zakonshmen dhe të bukurën njëherësh. Ja, ky lajm i fundit përshembull është sprova e Berishës; jo për atë nëse edhe ai do zgjedhë t’u japë njerëzve një ditë të njëjtin lajm, por që si do zgjedhë ta komentojë këtë haber nga jeta e rivalit politik. Mos e dhëntë Zoti ta politizojë dhe këtë moment! Është shndërruar aq shumë në qenie homo-politikus sa lajmet që vijnë nga ai, vuajnë nga mungesa e njerëzores tej asaj politikes.

* * *

Edi dhe Linda Rama konfirmojnë: Presim një fëmijë 

Kryeministri Edi Rama dhe bashkëshortja Linda janë në pritje të një fëmije. Pavarësisht se ata  kanë  preferuar ta mbajnë lajmin e shtatzanisë  si diçka tejet private dhe vetëm për një rreth të ngushtë miqsh, lajmi nuk ka mundur të qëndroj sekret për shumë kohë. DITA u interesua pranë familjes së kryeministrit që konfirmoi zyrtarisht se Edi dhe Linda Rama presin një fëmijë. Duke dashur që gjithcka të mbetet private familja Rama nuk ka dhënë  detaje të tjera.

Gëzimit të natyrshëm nga pritja e një fëmije Edi Rama nuk i ka shpëtuar anës emociale të shprehur nëpërmjet një xhesti. Në një aktivitet të disa ditëve më parë Rama është parë një moment ti përkëdhelë me dorë barkun Lindës, veprim që nuk u ka shpëtuar personave atë mbrëmje që u ndodhën afër tyre. Linda Basha dhe Edi Rama të dy 49 vjeçarë kurorëzuan dashurinë e tyre nëpërmjet një dasme në vitin 2010. Gregu dhe Rea janë dy fëmijët aktualë të çiftit kryeministror.

**********

Foto LSA: Kryeministri Edi Rama, duke mbajtur per krahu bashkeshorten e tij Linda Basha, pasi nuk ndihej mire gjate nje pritje festive ne hotel Sheraton, me rastin e 6 vjetorit te shpalljes se pavaresise se Kosoves në 17 shkurt të këtij viti.