Në takimin e liderëve politikë të Maqedonisë së Veriut, që ishte thirrur nga Presidenti Stevo Pendarovski në orën 17:00 të kësaj të diele, pas mosçeljes së negociatave me BE, pas më shumë se tre orësh diskutime është vendosur edhe për datën e zgjedhjeve të parakohshme në shtetin fqinj, të kërkuara një ditë më parë nga kryeministri Zoran Zaev.
Data e caktuar është 12 prill 2020.
Në një deklaratë për mediat pas takimit, kryeministri maqedonas Zaev tha:
“Propozimi jonë ishte që 22 ose 29 dhjetor të shkojmë në zgjedhje. Me konsensus u vendos që 12 prilli të jetë data kur do të mbahen zgjedhjet”.
Në përfundim të takimit foli edhe kreu i lëvizjes Besa, Bilal Kasami:
“Ne në vazhdimësi kemi kërkuar zgjedhje të parakohshme dhe me këtë vendim është moment i rëndësishëm që qytetarët të tregojnë orientimin e mëtejshëm. Në asnjë moment nuk duhet të vihet në pikëpyetje procesi euroatlantik i Republikës së Maqedonisë së Veriut. Ne duhet t’i bëjmë detyrat e shtëpisë, që më pas në Samitin e radhës të marrim edhe datën për negociata”.
Në takim morën pjesë kryeministri dhe lideri i LSDM, Zoran Zaev, kreu i VMRO-DPMNE, Hristijan Mickoski, kreu i BDI, Ali Ahmeti, lideri i Aleancës për Shqiptarët Ziadin Sela, kreu i Lëvizjes BESA Bilall Kasami, ai i Alternativës Afrim Gashi dhe lideri i PDSH, Menduh Thaçi.
e.ll./dita
E beri si burrat.Respekte,vetem respekt per kete politikan modern Evropian te Maqedonise.
Degjon gje ti Rameeee?
Kupton gje ti Rameeee?
Shifni listen e partive
Maqedonët janë 60 përqind kanë vetëm dy parti.
Ne 30 perqind dhe numeroni sa parti shqiptaresh ka Maqedonia
Ketu eshte pergjigja pse atje shpallen zgjedhjet dhe ne jo
“Lum” si Shqiperia qe s`ka nevoje per “freskim qeverisje””!Shqiptaret jane te kenaqur duke pire kafe natyrisht neper kafenete , e duke u mburrur si “djalin tim ne Amerike” apo “do te ikim familisht ne Amerike ” ..!