Kryeministri dhe Ministri i Shqipërisë për Evropën dhe Punët e Jashtme Edi Rama do të jetë ditën e enjte në Vjenë për të paraqitur programin me përparësitë e kryesimit të OSBE për vitin 2020.
Sipas një njoftimi zyrtar të bërë nga OSBE, Shqipëria do të përqëndrohet në zbatimin e angazhimeve politike të OSBE-së, bërjen e ndryshimit në terren dhe vazhdimin e forcimit të dialogut të frymëzuar nga 30 vjetori i Kartës së Parisit.
Kryeministri Edi Rama dhe Sekretari i Përgjithshëm Thomas Greminger do të mbajnë një konferencë të përbashkët për mediat, pasi Rama të marrë zyrtarisht detyrën e Kryetarit të OSBE.
Shqipëria mori kryesimin e Organizatës për Siguri dhe Bashkëpunim në Europë nga Sllovakia në datën 1 janar të këtij viti.
Këshilli i Përhershëm i OSBE-së është një organ vendimarrës që mbledh përfaqësues të 57 shteteve pjesëmarrëse të Organizatës dhe 11 Partnerë për Bashkëpunim.
Ajo mblidhet çdo javë në Vjenë për diskutuar mbi zhvillimet në zonën e OSBE-së dhe për të marrë vendimet.
Gjatë vitit 2020 kjo organizatë do të drejtohet nga Shqipëria, si një nga vendet anëtare të saj.
j.l./ dita
Sa turp . Ky eshte kapur duke vjedhur vota ,dhe te drejtoje OSBE ne eshte tmerr .Sa posht ka rene steka e bo…????
Cili kryeminister qe ka marr direktionin e oscese ka folur prej Vienes e jo prej kryesutetit te ti, pos debili i jone?!