Gafa e zonjës Lleshi: Kërkesat për referendum i ka sjellë PD

Ajo që Gazeta Dita kishte paralajmëruar se kërkesat për referendum nga njësitë vendore  që kundërshtojnë ligjin për ndarjen administrative hartoheshin nga Partia Demokratike u zbulua pa dashje në mbledhjen e KQZ-së.

Ka qenë Kryetarja e KQZ-së, Lefteri Luzi që “deklaroi” se kërkesat për referendum lidhur me  ndarjen territoriale nuk i kanë sjellë vetë komunat që preken, por në fakt i ka sjellë Partia Demokratike.

Pavarësisht ndjesës, deklarata shkaktoi humor në radhët e përfaqësuesve të Partisë Socialiste dhe revoltim tek përfaqësuesi i PD-së, Niazi Kosovrasti.

PD është përpjekur që kërkesat për referendum t’i paraqesë si të pavarura dhe që vijnë me vullnetin e plotë të qytetarëve të banorëve të njësive vendore.

Debati:

Hysen Osmani: Edhe të tjerëve. (Bën me dorë nga vendi ku është Partia

Demokratike)

Lefteri Lleshi: Edhe partive të tjera sigurisht. Po Partia demokratike i ka

sjellë, ata i kanë. I kanë ata se i kanë sjellë.

Njazi Kosovrasti: Cfarë kemi sjellë?

Lefteri Lleshi: Keni sjellë kërkesat.

Të qeshura në sallë

Lefteri Lleshi: Më falni. Ditën e premte nisim mbledhjen nga ora 09 e

mëngjesit dhe pa orë se kur do ti mbarojmë.

Njazi Kosovrasti: Një korrektim kam. Janë grupet nismëtare që kanë sjellë

materialin.

Lefteri Lleshi: Po po, të kërkova ndjesë.

Njazi Kosovrasti: PD-ja i ka mbështetur, i mbështet dhe do ti mbështesë të

gjitha këto kërkesa lidhur me referendumet për tu marrë mendim për ndarjen

administrative