Zakonisht kronikat rozë janë të mbushur me lajme për marrëveshje të majme kur një çift VIP ndahet. Por në rastin e mëposhtëm ka ndodhur e kundërta. Ish-kampioni i golfit, Tajger Uds (Tiger Woods), reputacioni i të cilit është dëmtuar shumë nga skandalet seksuale, i ka ofruar ish-gruas së tij, Ejlin Nordegren, 200 milionë dollarë për t’u rikthyer pranë tij, së bashku me dy fëmijët, Çarli e Samanta.
Sipas “National Enquirer”, Uds i është ulur në gjunjë ish-partneres Ejlin dhe i ka kërkuar të rimartohet me të, duke i dhuruar një unazë në ditën e Krishtlindjeve.
Tajger dhe Ejlin u divorcuan në vitin 2010, kur u bënë publike skandalet seksuale të kampionit të golfit. Elin përfitoi 110 milionë dollarë, ndërsa divorci i çiftit u cilësua si më të kushtueshmit në histori.
Gjatë këtyre tre viteve, të dy kanë frekuentuar persona të tjerë, por pa pasur asnjë lidhje të qëndrueshme. Kohët e fundit, mediat flasin për një propozim të Tajgerit për t’u rikthyer bashkë. Dhe si garanci për besnikërinë e tij, Ejlin ka kërkuar një kontratë paramartesore, një klauzolë e të cilës parashikon që në rast tradhtie, Tiger i paguan asaj një shumë prej 350 milionë dollarësh, praktikisht më shumë se gjysma e pasurisë së tij 600 milionë dollarëshe.
Sipas “National Enquirer”, Tajger e ka pranuar kërkesën e Ejlin për kontratën e mësipërme, pasi ka kuptuar se është një njeri i marrë fund pa gruan dhe fëmijët e tij. / Përgatiti: Gazmira Sokoli