Ku do i kalojë pushimet Presidenti?!

Presidenti Bujar Nishani që në fillim të qeverisjes së majtë, e ka shfaqur haptazi pakënaqësinë e tij ndaj kryeministrit Edi Rama. Por, këtë radhë pakënaqësia e Presidentit i kalon kufijtë e qesharakes.

Ai thotë në një intervistë për Çim Pekën, se Rama nuk e lejon që të pushojë në vilat qeveritare në Dhërmi, Vlorë, Pogradec dhe Dajt. “Me vjen shumë zor të flas për një çështje të tillë që nuk i shërben asnjë prej atyre qindra halleve të përditshme që kanë shqiptarët.

Por duke e parë në aspektin e asaj që reflekton si mentalitet, si kulturë e një degradim të emancipimit shoqëror, padyshim që është tregues i një modeli qesharak që duhet mëshiruar”, ka thënë Nishani. Nuk dihet sa i vërtetë është ky pretendim, por duket se mes Nishanit dhe mazhorancës do të ketë një tjetër betejë. Ajo se ku do të kalojë pushimet Presidenti, Bujar Nishani.