Ku ka humbur Genci Ruli?

 Vargje të nënshkruara
Nga Ismail Xhaferi

 

Ndërsa drog’e Lazaratit

U bë tym përmbi katund

Deputetit Genci Ruli

S’po i del “tymi” gjëkund.

 

Deputet’i Gjirokastrës

Rri i heshtur dhe mënjanë

Bën sehir kët’ Lazaratin

Nga kështjella në Tiranë.

 

Deputet’i Gjirokastrës

Që diku ngrohet në diell

Gjatë 8 viteve që shkuan

Nuk mungoi të shtun’të diel.

 

Ku është Genci i dikurshëm

Që kur shporta qe me fiq

Me banorët lazaratas

Rinte natë e ditë këmbkriq?

 

Ku ka humbur Genci Ruli?

Si e ka hallin që hesht

Se pa vota Lazarati

Do qe qytetar i thjeshtë.

 

Ku ka humbur Genci Ruli?

Siç humbet shati në vrështë

Deputet’i Lazaratit

Çë se është, e çë se s’është?

 

Ku ka humbur Genci Ruli?

Pse s’dëgjohet këtë herë

Mos në çorbë të Lazaratit

Ka qenë kryekuzhinier?

 

Ku ka humbur Genci Ruli?

Që dikur ishte i parë

Apo ndoshta ndjek proverbin

Nuk del dhelpra në pazar?

 

Ku ka humbur Genci Ruli?

Pse rri brenda në shtëpi

Dhe punën e deputetit

Po ja bën shoku Sali?

 

Ku ka humbur Genci Ruli

Që dikur ngjiste dhe malin

Deputet’i Gjirokastrës

Hodhi lumin, dhjeu kalin…