I nderuar lexues! Nikaia ka qenë qytet ilir në trevën e bylinëve. Është përcaktuar në rrënojat e kalasë në fshatin Klos të Mallakastrës. Nikaia u shndërrua në qytet nga gjysma e dytë e shek.V p.e.r. dhe u rrethua me mure të tipit poligonal, me perimetër 1800 m. U rifortifikua pjesërisht në shek.IV p.e.r dhe bashkë me qytetin e ri të Bylisit që u ngrit pranë tij, u bë bërthamë e bashkësisë së bylinëve. Nga shek.I p.e.r. u braktis si qytet dhe nuk u mëkëmb më. Gërmimet arkeologjike (më 1970-1975) kanë zbuluar murin rrethues, një teatër me 1000 vende, një punishte qeramike, një portik dhe një banesë të shek.II p.e.r.