Vargje të nënshkruara
Preng Pjetri, Lezhë
Ku t’i kërkoj rrënjët e tua parti
Në Gërdecin e djegur
A tek mbeturinat
Apo tek grumbujt e zinj?
Të dashurova ty Partia ime Socialiste
U hëngra me shqupasit dhëmb më dhëmb
E tash kupën ma përmbyse.
Ma lëndove plagën që aq fort më dhemb!
Ku t’i mbështes shpresat e mia
Ëndrrat e fëmijëve të mi
Si një kontejner po bëhet Shqipëria
Jo, s’mund ta shoh më atdheun në sy!
Ah, kur s’kam një grusht të fuqishëm
siç e thoshte i madhi Migjeni
E ta rrëzoj tiranin përbindshëm
Veç era hale të mos i vijë këtij veni!
Shqipëria asht e shqiptarëve
Toka e stërgjyshërve tanë
Ngrehuni o njerëz kundër pashallarëve
Sot, more, sot, nesër do të jetë vonë.