Presidentja e Komisionit Europian, Ursula von der Leyen, nuk është prekur nga COVID-19 pasi ajo ka rezultuar sërish negative.
Këtë rezultat të testit Presidentja e KE e ka komunikuar nëpërmjet një statusi në rrjetin e saj social në “Twitter”.
Sakaq, dje komisioneri Eric Mammer tha se Ursula von der Leyen ishte në Gjermani por nuk cilësoi se kur do të kthehej në Bruksel. Presidentja e Komisionit Europian u largua nga samiti të enjten e kaluar për t’u vetëizoluar, pas konfirmimit se një anëtar ishte diagnostikuar me koronavirus.
“Jam e lumtur t’ju njoftoj se rezultati i testit tim të fundit për koronavirus është negativ. Dje e bëra…Faleminderit për mbështetjen tuaj. Kujdesuni për veten!”- u shpreh presidentja e KE.
Kjo është hera e dytë brenda muajit tetor që Von der Leyen i nënshtrohet testit të Covid-19, pas kontakteve me persona të infektuar.
h.b/dita