Sekuestrohet rreth 1 ton duhan në vijën e gjelbër të pikës kufitare të Vërmicës, në Kosovë, mall kontrabandë nga Shqipëria që po tentohej të futej me 9 mushka nga zona e Kukësit. Sipas komandantit të vijës së gjelbër të Prizrenit, toger Shaban Osmanollajt, ngarkesa është vërejtur nga kamerat me sensorë të instaluara ditët e fundit në kufirin shqiptar. Instalimi i kamerave të vëzhgimit është bërë vetëm një javë më parë. Edhe gjatë ditës së hënë u kap një kamion i ngarkuar me viça kontrabandë, që vinte nga Shishtaveci i Kukësit.