Që nga data 20 maj e këtij viti, më shumë së 60 për qind e punonjësve të Shërbimit Zjarrfikës në tunelin e Kalimashit janë paralajmëruar për largim nga puna. Kjo ka shkaktuar reagimin jo vetëm të punonjësve të shërbimit, por edhe drejtuesve të tij, të cilët ditë më parë deklaruan se nuk mund të kryhet ky shërbim me numrin e mbetur të punonjësve. Nga 50 që ka pasur, 28 do të largohen. Një grup nga të larguarit njoftuan dje nëpërmjet mediave se në rast se nuk merren masa për t’u rikthyer, do të protestojnë.