Kur e bëjnë mullar e mbulojnë me flamur të PD-së

Rrjetet sociale gëlojnë nga foto të fushatës ku nuk mungojnë edhe rastet më qesharake. Përveç fotove të kandidatëve të cilët dalin të dashur dhe të qeshur me çdo qytetar ka dhe shumë parulla dhe flamuj. Një prej tyre është ky flamur në foton anash.

Një mullar me bar në zonën e Thumanës është mbuluar me një flamur demokrat. Komentet kanë qenë të shumta për këtë situatë ku ka përfunduar ky flamur.

Komenti më i interesant ishte ai që kishte bërë Erion Mema, i cili këtë pamje nuk e shikonte thjesht si një mullar me bar të mbuluar me flamur…

“Kjo foto tregon më së miri atë që kanë lënë në këtë vend këta ndyrësira që kanë qeverisur për më shumë se 15 vjet. Sa herë që e bënin zullumin mullar, e mbulonin me një copë beze dhe iknin si pa gjë të keqe dhe gjithmonë ia kanë hedhur.

E njëjta filozofi është ndjekur dhe qytetari, sado të madh të bëjmë zullumin, e mbulojmë me flamurin e partisë dhe ia hedhim paq”, shkruan Erioni në foto.

Por ka edhe raste kur të tre flamujt e partive kryesore qëndrojnë bashkë në një shtyllë. Nga mesazhi që përcillet duket sikur jetojmë në një vend të botës së tretë.