SKEMA / Kur përfiton dhe si ndryshon masa e pensionit?

Mund të keni qenë të dy mësues, por nuk mund të përfitoni pension të njëjtë.

Me skemën e re formula e përllogaritjes së pensioneve është ndryshuar tërësisht.

Masa e pensionit tashmë lidhet drejtpërdrejt me pagën që paguan kontributin dhe vitet e punës.

Drejtori i Drejtorisë së Pagave dhe Pensioneve Astrit Kuka e shpjegon me një shembull.

Tavani për pensionet maksimale është hequr dhe përfitimi mund të kalojë 240 mijë lekëshin.

Ndërkohë, efektet e skemës sa i përket moshës bien mbi femrat pasi meshkujt vijojnë të dalin në pension 65 vjeç, raporton ABC.

Një grua për të përfituar pension me skemën e re këtë vit duhet të ketë mbushur 60 vjeç e katër muaj ndërsa duhet të ketë 35 vite e tetë muaj pune.

Mosha e daljes në pension për çdo vit i rritet me 2 muaj deri në vitin 2032 kur arrin 63 vjeç.

Ndërsa vitet e punës rriten me 4 muaj çdo vit deri në 2025-n kur për të përfituar pension pleqërie duhet të kesh punuar 41 vite.