Ekonomia britanike ka ecur mirë me konservatorët në pushtet, por kryeministri David Cameron ka ndërmarrë disa masa shtesë për të përballuar shpenzimet.
Kjo ka sjellë edhe reagimin e qytetarëve atje, ku kanë ndërmarrë një fushatë peticionesh.
E veçanta kësaj radhe është se kësaj fushate i është bashkuar edhe nëna e kryeministrit.
“Kjo tregon se masat e kursimit po prekin edhe njerëzit më vulnerabël, aq sa edhe nënës së David Cameron i ka ardhur në majë të hundës”, tha organizatorja e fushatës, Jill Huish.
Qeveria synon mbylljen e dhjetëra qendrave fëmijësh me shpresën se do të kursehen rreth 8 milionë stërlina, një shumë jo e madhe kjo për buxhetin e Britanisë.
Edhe Mary Cameron, 81 vjeçe, gjyqtare e dalë në pension u bë pjesë e fushatës, duke nënshkruar peticion. /DITA/