Gjithnjë e më i madh është numri i çifteve të Hollivudit, të cilët nënshkruajnë kontrata të martesës, të cilat kanë të bëjnë me seksin, peshën trupore dhe tradhtinë, thonë avokatët amerikanë. “Sot njerëzit duan të diktojnë mënyrën e jetesës në martesë”, thotë avokati nga Nju Jorku, Robert Volak, duke marrë si shembull Priscilla Chang, bashkëshorten e Mark Zuckerberg-ut, pronari i Facebook-ut, e cila në kontratën e martesës ka kërkuar që minimalisht një natë në javë, ai t’i përkushtohet asaj.
Për tradhtinë parashikohet gjoba në para. Në këtë aspekt këmbëngulin figurat e famshme publike, si Catherina Zeta-Jones, e cila kërkon 1 milion dollarë nëse e tradhton bashkëshorti Michael Douglas, ndërsa Jessica Biel kërkon 500 mijë dollarë në rast të tradhtisë së burrit të saj, Justin Timberlake. “Justin e di mirë se nëse vendos ta tradhtojë Jesssica-n me ndonjë femër tjetër, atëherë dënimi që do ta marrë është 500 mijë dollarë. Kjo thuhet qartë në kontratën e tyre paramartesore”, ka thënë Volak.
Ish-I varuri nga droga, Keith Urban, nuk do të marrë asnjë cent nga pasuria e gruas së tij e famshme, Nicole Kidman, nëse ai sërish përdor drogë. Qëllimi i kontratave të tilla, sipas ekspertëve, është që më shumë të parandalohet, se sa të gjobitet. Por nuk janë vetëm këto kërkesat në kontratat paramartesore. Ndër marrëveshjet e tjera që realizojnë yjet para se të lidhin kurorë, është edhe mbajtja e peshës trupore në parametra normalë, që të bëjnë seks së paku njëherë në javë si dhe të kalojnë një pjesë të kohës pa televizor, telefon mobil apo internet.