Kryetari i Lëvizjes Vetëvendosje, Albin Kurti, ia ka uruar Lumir Abdixhikut, postin e ri si kryetar i Lidhjes Demokratike të Kosovës.
Përmes një postimi në Facebook, Kurti është shprehur ndër të tjera se pret bashkëpunim ndërmjet opozitës dhe qeverisë, si dhe opozitarizëm, siç e quan ai, të fortë në legjislaturën e re, për të cilën nga partia e tij kanë thënë se do konstituohet në fund të marsit.
“Është interes i përbashkët i çdo qytetari të Kosovës që partitë politike të hedhin hapa përpara sa i përket demokratizimit të brendshëm, bashkëpunimit midis opozitës dhe qeverisë për punë të dobishme, por edhe opozitarizmi i fortë për çështje të argumentuara drejt e saktë”, shkruan Kurti.
i.b. / dita