Kush dhe pse e shkaterroi Shqiperinë?

Gazetari shqiptaro-amerikan Peter Lukas nder te tjera keshillon në një intervistë që lexova në DITA: Mos ndertoni kazino por ndertoni fabrika. Sikur ky te ishte celesi i arte qe u kish humbur shqiptareve, dhe te gjithë mbas kesaj ne nje kohe do te kishin bertitur “eureka eureka “. Megjithate buzeqesha  dhe thashë:- Faleminderit Lukas, me ngacmove mbi nje plage, qe kore kishte zene prej vitesh.  Ajo plage me dhembi, si dje ndaj mora penen dhe shkruajta :-

Kanë kaluar 2 dekada nga rënia e komunizmit. Mbase ka ardhur koha per refleksione dhe jo vetem kaq por dhe te arsyetojme dhe te gjykojme per cka ka ndodhur keto 23 vjet. Kush ishte Shqiperia komuniste ne fund te viteve ‘90?Mund te them keto fakte.

Ne qytetin tim kishte : 6 Fabrika, 4 Uzina, 1 Kompleks ushqimor, 1 Kombinat, 2 Qendra frigoferike , 2 Miniera , 6 Ferma bujqesore.

Ne kete mori veprash s’mund te le pa permendur dhjetra  liqene artificial te shoqeruar me qindra kilometra kanale vadites. Po sot a jane ? Patjeter qe jo. Pse u shkateruan ?

Le te arsyetojme. Paga e nje punonjesi si nje nga elementet e kostos  se prodhimit (Nje punonjes shqiptar merte 300 here me pak se nje puntor ne perendim ) sic shihet ajo eshte disa here me e ulet. Me e ulet gjithashtu vlera e energjis elektrike dhe i te gjithë elementeve qe  perbejne ate qe quhet kosto. Shqiperia ne ate kohe si ne lindje dhe ne perendim kishte nje treg te saj pavarsisht prej  bllokades qe i ishte bere atij sistemi. Por le ta marim te mireqene argumentin se s’mund te perballonte ekonomin e tregut. Po godinat ateherë pse u prishen ? Nje ndertim prej betoni garancinë e jetegjatesisë e ka 100 vjet. A s’mund te konservoheshin ato deri ne privatizimin e tyre?

Le ta leme industrinë. Po bujqesia pse u shkaterua ? Perse u prene plantacionet me molle e vreshtat, plantacionet me agrume, e qershitë ? Sistemi vadites perse u prish ? A s’mund te ndahej kjo me ligjin 7501 ashtu sic u nda dhe toka bujqesore ? Patjeter per mendimin tim qe po. Ateher kush eshte arsyeja e kesaj baterdie?

Une mendoj se janë dy.

E para. Ata qe erdhen ne pushtet mbas viteve 90 s’donin qe te kishin neper kembe nje klase punëtore te grupuar dhe te organizuar në sindikata, e cila me protestat e saj dhe mund t’i rrëzonte ata nga pushteti. Dhe ajo pak punëtori qe mbeti u perca ne dy sindikata, te cilat s’mbronin me interesat e tyre por te kastes ne qeverisje.

E dyta.  Fqinjet tane s’e kanë dashur, s’e duan dhe s’do ta duan nje Shqiperi me ekonomi solide. Shkaterimi i saj patjeter qe do ti conte ne dyert e tyre, ashtu sic ndodhi realisht. Bilanci tregtar eshte me negativi  ne historinë e shtetit shqiptar. C’mund te thuhet  kur zarzavatet  dhe frutat vijnë tashmë prej importiti, sikur Shqiperia te ishte pjesë e Mbreterisë se Saharasë dhe jo nje vend i bekuar dhe i begatë?

Shenim: Ftoj te gjith shqiptaret kush deshiron, te behet pjese e ketij denoncimi, sipas qyteteve dhe krahinave te tyre. E kemi detyrim ndaj brezave dhe historisë.

Krenar Cani