Personi që mbeti i plagosur mbrëmë se bashku me Alfred Skonjën në Durrës është djali i një efektivi policie.
Ai është Ismail Çyrbja, 25 vjeç, djali i një punonjësi të policisë. I riu ka qenë së bashku me Skonjën, mbrëmë kur u qëlluan me armë, në lagjen Nr.5 të Durrësit. Mësohet se Çyrbja, punon si marinar. Ai u plagos në këmbë dhe ndodhet në spitalin e Durrësit, jashtë rrezikut për jetën. Për shkak të plagëve të marra në bark, Skonja u transportua për në Spitalin e Traumës, raporton Panorama.
Policia po heton për ngjarjen, e cila ndodhi në kushtet e errësirës dhe nuk ka ende një emër të dyshuar për autorin. Paraprakisht dyshohet se objektiv ka qenë Alfred Skonja, nisur edhe nga precedentët e tij.