Në vendin tonë ka shumë akademi futbolli, një pjesë që i takojnë ekipeve kryesore, por edhe private që janë hapur vitet e fundit dhe marrin pjesë në kampionatet e moshave.
Në kryeqytet të kesh një fëmijë në një nga këto akademi është një barrë financiare e madhe për familjet që duhet thënë se sakrifikojnë shumë. Një pagesë në akademitë me emër në Tiranë për një fëmijë varion nga 45 mijë lekë të vjetra deri në 70 mijë lekë të vjetra.
Dhe kushtet që ofrohen në disa raste nuk i përgjigjen pagesës së majme që prindërit bëjnë. Megjithatë, pagesa për stërvitjen që është për të paktën 10 vite është vetëm njëra medalje, pasi ana tjetër janë këpucët e futbollit, që duhet të jenë cilësi e mirë dhe çmimet nisin nga 100 euro apo edhe trajtim ushqimor i përditshëm që nga akademitë ku fëmijët stërviten, nuk ofrohet.
Dhe nën zë trajnerët e moshave e pranojnë se për shumicën e familjeve është shumë e vështirë që të përballojnë shpenzimet deri në moshën 19-vjeçare, kur mendohet se një futbollist ka më shumë mundësi për të gjetur një ekip të parë ku mund të aktivizohet./panoramasport
s.a/dita