Një lajm satirik sipas të cilit burrat në Eritre ishin të urdhëruar të martohen të paktën me dy gra mori dhenë.
Lajmi u përhap jo vetëm në vendin e varfër afrikan, por edhe në shumë vende të botës. “Edhe një i çmendur nuk do ta besonte se kjo histori është e vërtetë” ka thënë një zyrtar i Eritreas për BBC-në.
Ministri i Informacionit në këtë vend, Yemane Gebremeskel tha se ka mbetur i shokuar nga mënyra se si u përhap lajmi. Madje ai tha se “disa forca të errëta e përhapën këtë informacion”.
Lajmi i cilësuar si “grazy” u publikua fillimisht të hënën në Kenia. Dhe shumë persona shkruajtën në Twitter se ishin të gatshëm të udhëtonin drejt vendit fqinj për të gjetur një grua të re.
Lajmi u publikua fillimisht në një gazetë të quajtur ‘Standard’ në një përpjekje për të shtuar lexues të rinj, por shpejt thashethemi u përhap në masë.
Shumë media nga Nigeria në Afrikën e Jugut e transmetuan lajmin si të vërtetë. Shakaja kishte edhe një bazë për t’u besuar.
Pas luftës civile në Etiopi gjatë viteve 1998-2000, numri i burrave të vrarë ishte i madh. “Urdhri” u mbështet pikërisht mbi këtë fakt, në të kundërt parashikohej burgim.
Përveç se u bë trend në Twitter, pati edhe nga ata që aplikuan për vizë për të shkuar në Eritre. Kujtojmë se nga ky vend, mijëra njerëz largohen çdo vit në drejtim të Evropës. /Dita/