Kush s’e ka virusin në drejtësinë e babëzitur?!

(Zgjedhja do bëhet mes shumë të këqijve dhe më pak të këqijve)

Reforma mendohet si një rreze shprese,
si një hop i madh për Shqipërinë,
po tani jetojmë në demokraci borgjeze,
dhe borgjezët do ta blejnë drejtësinë.

Reforma nuk është një kalim ylberi,
ku të liqtë papritur u bënë të mirë,
po as dinjiteti-as nderi,
s’ndryshohen kështu me pahir!

Gjer tani një babëzi kafshërore,
në drejtësinë tonë kemi si matës,
po dhe pas Shtatorit do të kemi prore,
të njëjtët prokurorë edhe gjykatës!

Njerëzve për t’i njohur s’u bëjmë dot provë,
siç provojmë pjeprat dhe shalqinjtë,
dhe në fund të fundit do të mbeten,
për t’u zgjedhur më pak të këqijtë!

Kush ka shpëtuar nga virusi i kolerës,
kush mes të keqes ka mbetur i mirë,
këto rri mendoj hera-herës,
në këtë llum-në këtë zgjyrë?!

Vetingu duket si fjala magjike,
që do shpëtojë Shqipërinë,
po kur përzgjedhja do jetë anemike,
kush do ta shëndoshë drejtësinë?!

Unë entuziast s’bëhem dot më kot,
se s’kam parametrat e idiotit,
po s’ndryshoi ajo që vuajmë sot,
që gjyqtarët varen veç prej Zotit!

Askush s’mund të ketë pavarësi të plotë,
duhet të shkojë çdo vendim në filtër,
dhe nëse vendimi do dali i kotë,
duhet të burgoset ky arbitër!

Gjer tani ka qenë një kohë bloze,
rastet me bujë i njohim shumë mirë,
pasi kanë dhënë vendime skandaloze,
gjyqtarët janë ngritur në detyrë!

Pa u shfarosur fare kjo praktikë,
të palëvizur ne e lëmë fronin,
nga ligji gjyqtarët të kenë frikë,
se frika e frenon shumë korrupsionin.

Vetëm Ligji ka me të vërtetë,
atë që ne quajmë drejtësi hyjnore,
gjyqtare e prokurorë s’janë profetë,
po qenie krejt të thjeshta njerëzore!

Mbase brezat e ardhshëm do jenë,
dëshmitarë të një kohe krejt të artë,
kur punëtorët e drejtësisë të kenë,
një ndërgjegje të shkallës më të lartë!

Shërbëtorët numër një të Ligjit,
kanë shembuj të rinj edhe të hershëm,
të jenë spartanë me gramët e zigjit,
spartanë të rreptë-por të ndershëm!

Është një bekim nga Perëndia,
një burrë i rreptë-po me drejtësi,
si ç’është një mallkim i madh babëzia,
që kafshon si peshkaqen mbi drejtësi!