Kushtetuesja administron provat, pritet vendimi për mandatin e Kokëdhimës

Në Gjykatën Kushtetuese nisi sot shqyrtimi i kërkesës së Partisë Demokratike për heqjen e mandatit të deputetit socialist, Koço Kokëdhima.

Pasi ka dëgjuar pretendimet e palëve, Gjykata ka marrë në administrim provat dhe tashmë pritet të jepet vendimit përfundimtar. Vendimi zakonisht shfaqet në faqen online të kësaj gjykate.

Partia Demokratike kërkon heqjen e mandatit për Kokëdhimën me pretendimin se kompania e tij private e internetit ka marrë pjesë në tendera publikë.

Kërkesën e bazon edhe tek vendimi i mëparshëm i Gjykatës Kushtetuese ku iu hoq mandati deputetit tjetër socialist, Ilir Beqaj pasi nëpërmjet kompanisë së tij kishte marrë tendera në Bashkinë e Durrësit. /Dita/