Pavarësisht se prej më shumë se një viti, ata nuk janë më bashkë, Demi Mur (Demi Moore), 50 vjeçe, dhe Ashton Kaçer (Ashton Kutcher), 34, nuk janë divorcuar ende.
Ashton Kaçer ka kërkuar divorcin duke dorëzuar dokumentet, ku thuhet se një kërkesë e tillë vjen për shkak të ndryshimeve të papajtueshme mes tyre.
Në kërkesën për divorc, Kaçer thotë se nuk ka nevojë për pension ushqimor nga e shoqja dhe lë të hapur mundësinë për t’i paguar ai ish-gruas shpenzimet apo ndonjë gjobë.
Demi Mur dhe Ashton Kaçer kanë qenë të martuar për 6 vjet. Ata janë ndarë në nëntor të 2011-s. Çifti me më shumë se 16 diferencë ishin martuar në Los Anxhelos, në vitin 2005.