Kuvend, betohen 3 deputetë të rinj. Opozita, protestë simbolike

Në ditën që mblidhet Kuvendi opozita organizon një protestë simbolike, pa liderët politikë, por vetëm me të rinjtë e FRPD-së

Protesta ka nisur para Ministrisë së Brendshme,ku të rinjt janë përplasur me policinë, për të vazhduar më tej para Parlamentit.

Të rinjtë e FRPD kanë shpalosur pankarta për të demonstruar simbolika të ndryshme kundër qeverisë.

Policia ka marrë masa edhe për këtë protestë, por numri i efektivëve të policisë është më i ulët se zakonisht. Ata janë vendosur pranë kryeministrisë dhe para parlamentit.

Mësohet se në seancën parlamentare do të raportohet progres raporti i Shqipërisë për ecurinë në BE. Pritet që të ketë debate në parlament pasi edhe deputetët e rinj do të kërkojnë shpjegime nga ministri Cakaj për këtë proces.

Gjithashtu pritet të betohen edhe 3 deputetë të rinj të opozitës.

l.h/ dita