Nëse po mendoni të blini një banesë, kjo është koha e duhur. Të dhënat e Bankës së Shqipërisë tregojnë se bankat kanë lehtësuar kushtet për marrjen e një kredie hipotekore, teksa gjatë tremujorit të dytë të vitit shqiptarët kanë rritur ndjeshëm kërkesën për të blerë banesa. Ky interes përkon me përmirësimin e treguesve ekonomikë, që ka zbutur edhe pasiguritë e qytetarëve për të bërë investime afatgjata.
Kjo kërkesë e shtuar ka rritur konkurrencën në sistemin bankar, që së bashku me perceptimin për rrezik të ulët kanë ndikuar në lehtësimin e standardeve të kreditimit. Këto lehtësi konsistojnë në uljen e kërkesës për kolateral, shtimin e madhësisë së kredisë dhe zgjatjen e maturitetit. Që do të thotë se mund të kërkosh një shumë më të madhe kredie me më pak kolateral, të cilën mund ta shlyesh më gjatë në kohë me një interes më të ulët.
Norma mesatare e interesit për kreditë e reja në lekë për blerje banesash, zbriti në 3.44% në fund të Majit, duke iu afruar normave të para pandemisë.
Bankat presin që kërkesa e lartë për kredi për shtëpi të vazhdojë edhe në periudhën Korrik-Shtator, diçka që mund të ndikojë në lehtësimin e mëtejshëm të kushteve në favor të individëve. e.r/dita
…”kolateral” në çfarë gjuhe është?! Po ne të shkretët që nuk dimë gjuhë të huaja si ta kuptojmë?!
Kolateral eshte ne gjuhen globale te finances dhe asnjerit nuk i plas nese ti s’di gjuhe te huaj
Shum e thjesht zemra,
Kola te ra l
Kola te ra lal
O lale, t ka ra Kola (per hise)
ctu desh qe u ngatarrove me Kolen a i shkrete !!
Jo jo e lehtesojne per mos me u krijuar nje Krize edhe ma e madhe me stoqet e pashitura para se te ndodh nje krach ne kete sektor!nuk existon as bamiresia as meshira tek ta! Kane dhane shume kredi per ndertim edhe tremben per mosshitjen e ketyre ndertimeve!